นเหตุํ อนุปาทินฺนอนุปาทานิยํ ธมฺมํ ปฏิจฺจ นนเหตุ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยาฯ

เหตุํ อนุปาทินฺนอนุปาทานิยํ ธมฺมํ ปฏิจฺจ นเหตุ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… เหตุยา ตีณิฯ

1-5. เหตุทุก-สํกิลิฏฺฐตฺติกํ

[13] เหตุํ สํกิลิฏฺฐสํกิเลสิกํ ธมฺมํ ปฏิจฺจ นเหตุ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ อสํกิลิฏฺฐสํกิเลสิกํ ธมฺมํ ปฏิจฺจ นนเหตุ นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อสํกิลิฏฺฐอสํกิเลสิกํ ธมฺมํ ปฏิจฺจ นเหตุ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิฯ

1-6. เหตุทุก-วิตกฺกตฺติกํ

[14] เหตุํ สวิตกฺกสวิจารํ ธมฺมํ ปฏิจฺจ นเหตุ นสวิตกฺกสวิจาโร ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อวิตกฺกวิจารมตฺตํ ธมฺมํ ปฏิจฺจ นเหตุ นอวิตกฺกวิจารมตฺโต ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ อวิตกฺกอวิจารํ ธมฺมํ ปฏิจฺจ นนเหตุ นอวิตกฺกอวิจาโร ธมฺโม อุปฺปชฺชติ เหตุปจฺจยา… เหตุยา ตีณิฯ

1-7. เหตุทุก-ปีติตฺติกํ

[15] เหตุํ ปีติสหคตํ ธมฺมํ ปฏิจฺจ นเหตุ นปีติสหคโต ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ สุขสหคตํ ธมฺมํ ปฏิจฺจ นเหตุ นสุขสหคโต ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อุเปกฺขาสหคตํ ธมฺมํ ปฏิจฺจ นเหตุ นอุเปกฺขาสหคโต ธมฺโม อุปฺปชฺชติ เหตุปจฺจยา… เหตุยา ตีณิฯ

1-8. เหตุทุก-ทสฺสนตฺติกํ

[16] เหตุํ ทสฺสเนน ปหาตพฺพํ ธมฺมํ ปฏิจฺจ นเหตุ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ ภาวนาย ปหาตพฺพํ ธมฺมํ ปฏิจฺจ นเหตุ นภาวนาย ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ เนวทสฺสเนน นภาวนาย ปหาตพฺพํ ธมฺมํ ปจฺจยา นนเหตุ นเนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิฯ

1-9. เหตุทุก-ทสฺสนเหตุตฺติกํ

[17] เหตุํ ทสฺสเนน ปหาตพฺพเหตุกํ ธมฺมํ ปฏิจฺจ นเหตุ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ ภาวนาย ปหาตพฺพเหตุกํ ธมฺมํ ปฏิจฺจ นเหตุ นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ เนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ นเหตุ นเนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

1-10. เหตุทุก-อาจยคามิตฺติกํ

[18] เหตุํ อาจยคามิํ ธมฺมํ ปฏิจฺจ นเหตุ นอาจยคามี ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อปจยคามิํ ธมฺมํ ปฏิจฺจ นเหตุ นอปจยคามี ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ เนวาจยคามินาปจยคามิํ ธมฺมํ ปจฺจยา นนเหตุ นเนวาจยคามินาปจยคามี ธมฺโม อุปฺปชฺชติ เหตุปจฺจยา… เหตุยา ตีณิฯ

1-11. เหตุทุก-เสกฺขตฺติกํ

[19] เหตุํ เสกฺขํ ธมฺมํ ปฏิจฺจ นเหตุ นเสกฺโข ธมฺโม อุปฺปชฺชติ เหตุปจฺจยา… เหตุยา ตีณิฯ